Në përmbyllje të Javës së Integritetit, Projekti i Asistencës Teknike të BE-së për Mirëqeverisje mbështeti forumin “Krijimi i besimit: Rruga e Shqipërisë drejt BE-së përmes qeverisjes transparente”, mbajtur më 13 dhjetor 2024. Ministrja e Shtetit për Administratën Publike dhe Antiorrupsionin Adea Pirdeni, Ambasadori i BE-së në Shqipëri Silvio Gonzato, Ministri i Financave Petrit Malaj, Komisioneri për të Drejtën e Informimit dhe Mbrojtjen e të Dhënave Personale, Besnik Dervishi si dhe Kryeministri Edi Rama përshëndetën forumin.
Në fjalën e tij, ambasadori i BE-së në Shqipëri, Silvio Gonzato theksoi rëndësinë e integritetit dhe transparencës si shtylla themelore për ndërtimin e një shoqërie të drejtë dhe të qëndrueshme. Ai vlerësoi Shqipërinë për hapat e ndërmarrë në luftën kundër korrupsionit, përfshirë analizën e riskut për prokurimet publike dhe në funksionimin e kadastrës. “Qëndrueshmëria dhe transparenca janë çelësi i suksesit të këtyre përpjekjeve…BE do të qëndrojë e përkushtuar ndaj përpjekjeve të Shqipërisë kundër korrupsionit‘ theksoi ambasadori Gonzato.
Forumi vijoi me dy panele të tjera ku u morën pjesë ekspertë kyç nga projekti EU4GG, ekspertë nga Transparency International, akademikë, shoqëria civile dhe komuniteti i biznesit, të cilat u përqendruan në shkëmbimin e praktikave më të mira evropiane dhe ndërkombëtare me synimin për të forcuar transparencën dhe integritetin në sektorin publik të Shqipërisë. Paneli 1: “BE dhe perspektiva ndërkombëtare”, u fokusua në shkëmbimin e praktikave më të mira evropiane përsa i takon transparencës, përafrimit me standardet e BE-së dhe diskutimin për zbatimin e tyre në Shqipëri. Ndërsa, Paneli 2: “Baza e Besimit dhe Progresit: Transparenca Proaktive”, u fokusua në diskutimin për përmirësimin e transparencës.
Projekti EU4GG vijon të mbështesë Qeverine Shqiptare në luftën kundër korrupsionit.
