KONFERENCË E NIVELIT TË LARTË PËR REFORMËN E ADMINISTRATËS PUBLIKE
Organizuar nga: Delegacioni i BE-së në Shqipëri, projekti EU4GG në bashkëpunim të ngushtë me Ministrin përgjegjës për Administratën Publike dhe Antikorrupsionin.
Data: 26 Mars 2026
Suksesi i procesit të integrimit të Shqipërisë në BE varet kryesisht nga administrata publike. Duke pasur parasysh burimet e kufizuara, rritja e produktivitetit të administratës publike/shërbimit civil është e domosdoshme.
Ligji për Nëpunësit Civilë do të ndryshohet së shpejti. Amendamentet do të adresojnë disa çështje duke propozuar ndryshime themelore. Megjithatë, disa elementë thelbësorë të nevojshëm për përmirësimin e performancës së përgjithshme të administratës publike i janë lënë Këshillit të Ministrave për t’i rregulluar. Midis këtyre elementëve janë instrumentet kryesore të menaxhimit të performancës.
Një konferencë mbi trendet në zhvillim dhe zhvillimet teorike dhe praktike ndërkombëtare, me kontribute nga përvoja e biznesit, mund të frymëzojë autoritetet shqiptare në hartimin e legjislacionit të ri dytësor.
Konferenca do të organizohet nga projekti i Komunikimit dhe Dukshmërisë për Qeverisjen e Mirë (i mbështetur nga EU4GG) në bashkëpunim me Ministrin e Shtetit për Administratën Publike dhe Antikorrupsionin/DOPA.
Temat kryesore që do të diskutohen:
- Vlerësimi i performancës
- Shpërblime financiare dhe të tjera që lidhen me performancën
- Ndarja/delegimi i përgjegjësive si mjet i menaxhimit të performancës
